Runora - IS Vaknaðu til Lífs & Heilsu!

Catalyzing Conscious Leadership

Never,never,never, never give up."

Winston Churchill

Vaknaðu til Lífs & Heilsu

Námskeiðsröð - sett saman úr þremur sjálfstæðum einingum

Leiðbeinandi: Rúna Bouius

1 - Auktu Orkuna 2 - Opnaðu Hjartað 3 - Virkjaðu Heilann

Aukinn hraði, spenna og vaxandi kröfur um árangur í nútíma samfélagi gera það að verkum að við missum náttúrulegt samband við líkama og huga. Við höfum ekki tíma til að stoppa og hugleiða hver við erum og hvað við erum að gera okkur. Þegar áhyggjur, stress og kvíði er það sem vekur okkur á morgnana og eina löngunin er að gleyma sér með meiri svefni, er líkaminn að tala við okkur. Hann sættir sig ekki við áframhaldandi álag. Við þurfum að hlusta á hann og vakna upp áður en alvarlegri kvillar gera vart við sig.

Hér er tækifæri þitt til að byrja að hlusta og snúa ferlinu við. Við bjóðum upp á þrjú sjálfstæð námskeið sem fjalla um samspil líkama og hugar og hvernig við getum étt á þyngslum, vakið innri styrk, opnað hjartað, skerpt hugsunina og bætt heilastarfsemina. Samhliða því losnar um streitu og hindranir. Næmni okkar og vitund vakna að nýju. Sérhvert námskeið mun hafa þema sem tengist ákveðnu líkamssvæði. Við byrjum á kviðarholinu eða “tan tien”eins og Kínverjarnir kalla það. Hjartasvæðið er næst og að lokum er það heilinn og samspil vinstra og hægra heilahvels.

Hvert námskeið samanstendur af stuttum fyrirlestri, einföldum og auðveldum hreyfingum, einbeitingu hugar, slökun og umræðum. Upplifunin er það sem skiptir öllu máli. Þátttaka í öllum námskeiðunum þremur gefur bestan árangur og heildarmynd. Sérhvert námskeið mun vekja aftur upp samband þitt við sjálfa þig, líkama þinn og tilveruna almennt. Nýttu þér þetta einstaka tækifæri og vertu með. Fylltu þig orku með einföldum og skemmtilegum æfingum og lifandi kennslu!

Umsagnir fyrrum þátttakenda

"Þessi námskeið eru öðruvísi og frískandi og ekki síst örvandi. Það sem ég geng í burtu með er að læra að ná stjórn á líkama mínum. Rúna er geislandi persónuleiki og góður leiðbeinandi."

- Jóhanna Bárðardóttir, Reykjavík

"Ég myndi segja við aðra að þessi námskeið væru eitthvað sem þú mátt ekki missa af ef þú vilt sinna sjálfum þér og líkama þínum. Rúna er 6 stjörnu leiðbeinandi."

- Kristín Einarsdóttir, Sigurboginn, Reykjavík

"Þessi námskeið bjóða upp á margt sem ég hef ekki gert áður. Maður öðlast þekkingu á að tengja hug og líkama í gegn um hreyfingu."

- Björg Jónsdóttir, Reykjavík

TIL BAKA

1 - Auktu Orkuna

Vantar þig kraft til að ná markmiðum þínum?

Upplifðu aukinn kraft og úthald!

Kannastu við eitthvert þessarra einkenna; einbeitingar- og orkuskortur, meltingartruflanir, þrálát húðútbrot, grunn öndun og stirðleiki í baki? Neikvæðar hugsanir, sem halda áfram að snúast í höfðinu í fylgd með neikvæðum tilfinningum? Þetta eru nokkur af þeim einkennum sem geta skotið upp kollinum þegar orkukerfi okkar er í niðurníslu.

Þetta námskeið býður upp á tækifæri til að læra um orkukerfi líkamans með sérstakri áherslu á orkustöðina sem safnar og dreifir orkunni. Með einföldum æfingum og einbeitingu munum við læra að virkja og styrkja “tan tien” eða kviðarstöðina. Við notum síðan orkuna sem við söfnum og geymum til að hjálpa okkur að losa um uppsafnaðar neikvæðar tilfinningar og minningar, gamla vana og annað sem ekki þjónar okkur lengur og stendur í vegi fyrir framförum og því að ná markmiðum okkar.

Að námskeiði loknu hefur þú eignast einföld verkfæri sem þú getur notað til að styrkja líkamann, bæta heilsuna og gefa lífinu lit.

Þú munt læra að:

• auka orkuna og orkuflæðið
• bæta meltinguna
• komast í jafnvægi
• losa um hindranir
• aga hugann og auka einbeitinguna
• styrkja öndunina
• létta á þyngslum

Lengd: 3 klukkustundir

Umsagnir fyrrum þátttakenda

"Rúnu tókst að gefa okkur ótrúlega mikið af frábærum hugmyndum og tólum á stuttum tíma! Allir sem eru að leita að innri styrk hafa hag af að koma þá þetta námskeið. Rúna er í efsta sæti á mínum lísta yfir framúrskarandi leiðbeinendur."

- Sally Fellers, USA

"Námskeiðið var mjög nytsamlegt! - Rúna fyllti okkur eldmóði og styrkti sjálfsmat okkar. Ég lærði margt sem ég mun nýta mér sjálf heima. Rúna er fæddur kennari, framúrskarandi og fagmannleg. Ég upplifði allsherjar tengingu huga, líkama og anda!"

- Atma Devi, USA

"Ég gekk á braut með jákvæðari og kraftmeiri orku. Mikið af frábærum upplýsingum frá ýmsum áttum, settar saman á auðskiljanlegan hátt. Ég myndi hvetja alla til að upplifa ótrúlegan innri kraft og tileinka sér þessar hagnýtu leiðir til að auka orkuna. Ég gef Rúnu einkunnina A+++."

- Margaret Jacoby-Lopez, USA

TIL BAKA

2 - Opnaðu Hjartað

Ertu að koðna niður af streitu og áhyggjum?

Komdu þér í snertingu við gleði, léttleika og þakklæti!

Hefur þú upplifað þyngsli fyrir hjartanu? Það hafa flest okkar einhver tímann. Þegar við vinnum of mikið, erum stressuð, hrædd, sár, reið eða lömuð af sorg þá finnum við oft fyrir þyngslum eða sársaukaherpingi fyrir brjóstinu. Neikvæðar tilfinningar, sem eiga rót sína að rekja til hugsana sem við höfum látið æða um stjórnlaust, hafa tekið yfirráðin. Við getum ekki komið í veg fyrir hugsanir og tilfinningar en við getum valið hvort þær eru jákvæðar eða neikvæðar og hvaða áhrif þær hafa á okkur þegar við höfum borið kennsl á þær

Til að upplifa gleðina í hjartanu þurfum við að opna fyrir flæði ómengaðrar orku í gegnum miðpunktinn sem tengir huga og líkama. Með því að opna fyrir orkurásina í brjóstholinu með markvissri öndun og einföldum æfingum getum við virkjað og styrkt þessa orku til að öðlast meiri samstillingu hugar og líkama.

Vertu með, upplifðu kærleik og hlátur og nóttu þess að vera til!

Þú munt læra að:

• hrista af þér streitu og neikvæðar tilfinningar
• næra og opna hjartað
• losa um áhyggjur og kvaðir
• upplifa ást og kærleik
• fagna gleði, kímni og hlátri
• komast í betra jafnvægi
• bæta heilsu og vellíðan

Lengd: 3 klukkustundir

Umsagnir fyrrum þátttakenda

"Það var áhugavert að uppgötva að til væru öruvísi leiðir til heilsuræktar. Þetta námskeið var alveg nýtt fyrir mig og ég myndi hiklaust mæla með því við aðra. Rúna var reglulega fræðandi, skemmtileg og jákvæð sem gerði námskeiðið áhugavert."

- Súsanna Davíðsdóttir, hjúkrunarfræðingur, Reykjavík

“Fyrsta flokks! Það er svo augljóst hversu víða Rúna hefur komið við í þjálfun sinni og námi. Hún er sjálf lifandi dæmi um innri styrk, jafnvægi og tengingu.”

- Lazlo Lazowska, Moondog Public Relations, Santa Fe, USA

“Mjög nytsamlegt námskeið. Vel samsett úr ýmsum áttum en samt svo einfalt.”

- Dody Rose Gronau, The Message Company, Santa Fe, USA

"Frábærar æfingar sem vöktu líkamann og skilja eftir löngun í orku og löngun í að vinna í líkamanum með huganum. Rúna fær 10,0 í einkunn. Jákvæð, brosmild og skemmtileg."

- Margrét R. Jónasardóttir, förðunarmeistari, Reykjavík

“Aðferðir Rúnu til að fá okkur til að einbeitinga okkur og hlusta á hjarta okkar eru bæði mildar og skapa öryggi meðal þátttakendanna. Kennslan var bæði upplífgandi og styrkjandi.”

- Atma Devi, Santa Fe, USA

“Leið til að koma þér á rétta braut. Rúna er hrífandi ræðumaður.”

- Val Hutt, Santa Fe, USA

TIL BAKA

3 - Virkjaðu Heilann

Nýtir þú möguleika þína og hæfileika til fullnustu?

Lærðu að virkja heilann og bæta heilsu og afköst!

Er doði, sljóleiki í hugsun eða heilaþoka orðinn ráðandi hjá þér? Hefur þú verið ásakaður/ásökuð um að nota vinstra heilahvelið of mikið? Þetta hljómar trúlega kunnuglega. Frumbyggjar jarðarinnar og orkumeistrar í Austurlöndum mundu segja að venjulegur maður á Vesturlöndum noti vinstra heilahvelið miklu meira en það hægra. Við erum þjálfuð í að leysa vandamál með því að kryfja þau til mergjar, með rökfræði einni saman á kostnað tilfinninga, næmni og innsæis. Þetta veldur streitu, veikir sköpunarmáttinn og getur leitt til þunglyndis og annarra kvilla.

Vilja ekki allir vera hamingjusamir og fullir af orku og bjartsýni til að ná hámarksárangri í lífinu? Hvernig förum við að því? Vísindin eru að sýna okkur það sem frumbyggjarnir og Austurlensku meistararnir hafa alltaf vitað. Við getum haft áhrif á heilsu okkar hugsanir og líðan með því að breyta orkutíðni heilans með einföldum æfingum, réttri næringu, hugleiðslu og notkun tækninýjunga.

Nokkrar þessarra hugmynda verða kynntar á námskeiðinu. Við gerum einfaldar æfingar sem auka virkni heilans, koma á ró og jafnvægi innra með þér og hvetja þig til áframhaldandi æfinga til að ná sem kraftmestri heilastarfsemi.

Þú munt læra að:

• koma jafnvægi á orkuflæðið
• samhæfa heilastarfsemina
• bæta frammistöðu og afköst
• skerpa sköpunarmáttinn
• tengjast uppsprettu hamingjunnar

Lengd: 3 klukkustundir

Umsagnir fyrrum þátttakenda

“Ég fékk heildarmynd af starfsemi heilans og hlutverki hans í heilsurækt. Einnig samskipti við hjarta og orku. Kennarinn var stórkostlegur.”

- Charles Lamson, Brain Dynamics, Santa Fe, USA

"Frábært námskeið, hnitmiðað og gott og ég mæli með því 100%."

- Ingunn Magnúsdóttir, Tékk-Kristall, Reykjavík

“Minnir á mikilvægi þess að hugsa um líkamann sem eina heild. Ég mæli með þessu námskeiði. Leiðbeinandinn var frábær”

- Dr. Kelly R. Bennett, PhD, Psychological Consultint/Brain Dynamics, USA

"Það sem mér fannst merkilegast var hvernig hægt er að virkja heilann og stjóra honum eins og maður vill."

- Helga Guðnadóttir, Reykjavík

“Gott jafnvægi milli líkamslegs, vitsmunalegs og andlegs efnis. Mikið af hagnýtum upplýsingum frá framúrskarandi kennara.”

- Lynn Freeman, Santa Fe, USA

"Námskeiðið var mjög gefandi og praktískt. Orkuæfingarnar fundust mér athyglisverðar. Minna mig á hvað heilinn er sterkur. Leiðbeinandinn var skipulagður og gefandi."

- Guðrún Garðarsdóttir, höfuðbeina- og spjaldhryggsjafnari, Reykjavík

“Ég myndi hvetja samstarfsmenn og aðra að fara. Þú munt bæði skemmta þér og njóta góðs af. Minn heili víkkaði út.”

- Raquel Yossiffon, sérfræðingur í goðafræði, Santa Fe, USA

"Mér fannst þetta mjög lærdómsríkt og mun ég reyna strax að nýta mér æfingarnar því auðveldar æfingar geta gert gæfumuninn. Ég gef kennaranum 75 af 10 mögulegum!!!

- Valborg Guðjónsdóttir, Tékk-Kristll

TIL BAKA

Rúnora, LLC. Conscious Leadership Consulting